✅ திருப்பதி தேவஸ்தான கலப்பட நெய் விவகாரம் : முதல்வர் சந்திரபாபு நாயுடு அதிரடி அறிவிப்பு | Spirituality News (ஆன்மீக செய்திகள்)

திருப்பதி ஏழுமலையான் கோயில் உள்பட திருமலை திருப்பதி தேவஸ்தானத்தின் கீழ் இயங்கும் கோயில்களுக்கு சப்ளை செய்யப்பட்ட நெய்யில் விலங்குகள் கொழுப்பு கலக்கப்பட்டதாக எழுந்த புகாரில் விசாரணை நடத்திய சிறப்பு புலனாய்வு குழு குற்றப்பத்திரிகை அளித்தது.

அந்த அறிக்கையில், தேவஸ்தானத்திற்கு சப்ளை செய்யப்பட்ட நெய்யில் மிருக கொழுப்புகள் கலந்ததாக கண்டறியப்படவில்லை எனவும் மாறாக, பாமாயில் மற்றும் பாமாயிலில் நெய் மணம் வருவதற்காக சில வேதிப் பொருட்கள் கலந்திருந்தது கண்டறியப்பட்டதாகவும் குறிப்பிடப்பட்டுள்ளது.

இந்த விவகாரம் மீண்டும் விஸ்வரூபம் எடுத்த நிலையில் முதலமைச்சர் சந்திரபாபு நாயுடு தலைமையில் அமைச்சரவை கூட்டம் நடைபெற்றது.

இந்த கூட்டத்தில் சிறப்பு புலனாய்வுக் குழு சமர்ப்பித்த அறிக்கையை ஆய்வு செய்ய ஒரு நபர் ஆணையம் அமைப்பதற்கு ஒப்புதல் வழங்கப்பட்டது.

இதையடுத்து செய்தியாளர்களை சந்தித்த முதலமைச்சர் சந்திரபாபு நாயுடு, எஸ்ஐடி அறிக்கையை விசாரணை ஆணையம் ஆய்வு செய்யும் எனத் தெரிவித்தார்.