⚡ திருவப்பூரில் திருவிழா கோலம்… மாசிக்கு முன் மகா கும்பாபிஷேக தேதி வெளியீடு… | ஆன்மிகம்

சுமார் 300 ஆண்டுகளுக்கு முன்பு பூமியில் புதைந்து கிடந்து பூசாரி ஒருவரின் அருள்வாக்கின்படி அம்மனின் திருவுருவை பூமியில் இருந்து தோண்டி எடுத்து பச்சை கூடாரத்தில் பிரதிஷ்டை செய்து அப்பகுதி மக்கள் வழிபட்டு வந்து, அதன் பிறகு அம்மன் அருள் மூலம் அப்பகுதி மக்களால் வழிபாடு செய்யப்பட்ட பிரசித்தி பெற்ற கோவில் திருவப்பூர் முத்துமாரியம்மன் கோவில்.

மக்கள் தொன்று தொட்டு இந்த அம்மனை வழிபட்டு வரும் இக்கோவிலில் ஆண்டுதோறும் மாசித்திருவிழா வெகு விமரிசையாக நடைபெறுவது வழக்கம். மாசி திருவிழாவுக்கு முன்பாக பூச்சொரிதல் விழா நடைபெறும்.

இந்த நிலையில் திருவப்பூர் முத்துமாரியம்மன் கோவிலின் அஷ்டபந்தன மகா கும்பாபிஷேக விழா வரும் ஜனவரி 28, 2026 (தை 14, புதன்) அன்று காலை 9 மணி முதல் 10 மணிக்குள் நடைபெற உள்ளது. இதற்கான பணிகள் தீவிரமாக நடைபெற்று வருகின்றன. இதற்காக கோவில் கோபுரங்கள் புதுப்பிக்கப்பட்டு, முகப்பு மண்டபம் கட்டும் பணி நிறைவு பெறும் நிலையில் உள்ளது. மேலும் யாகசாலை அமைப்பதற்கான பந்தல்கால் நடும் விழா டிசம்பர் 29, 2025-ல் நடைபெற்றது என்பது குறிப்பிடத்தக்கது ஆகும்.