🚀 பழனி முருகன் கோவிலில் களைகட்டிய தைப்பூசத் திருவிழா… லட்சக்கணக்கான பக்தர்கள் தரிசனம்… | Spirituality News (ஆன்மீக செய்திகள்)

நெரிசல் ஏற்படாத வகையில் பக்தர்களை மலைக்கோயிலுக்கு அனுமதிக்கும்‌ வகையில் போலீசார் பணிகளை மேற்கொண்டனர். குடமுழுக்கு நினைவரங்கம் வழியாக மேலே சென்று படிப்பாதை வழியாக கீழே இறங்கும் வகையில் பாதைகள் அமைக்கப்பட்டுள்ளது.

கூட்டத்தை சமாளிக்கும் வகையில் மலைக்கோவிலில் இருந்து கீழே இறங்கும் பக்தர்கள் அடிவாரம் பகுதியிலுள்ள அனைத்து பகுதிகளிலும் வெளியேறும் வகையில் ஏற்பாடு செய்யப்பட்டுள்ளது. அடிவாரம் பகுதியில் பக்தர்களுக்கு தேவையான குடிநீர், கழிப்பறை, மருத்துவ வசதிகள் செய்யப்பட்டுள்ளது.

பக்தர்களின் வாகனங்கள் நிறுத்த அனுமதிக்கப்பட்ட இடங்கள் முழுவதும் நிரம்பியதால் பழனி நகர் முழுவதும் ஆங்காங்கே நிறுத்தப்பட்டுள்ளதால் போக்குவரத்து நெரிசல் ஏற்பட்டுள்ளது‌. பக்தர்களுக்கு வழி நெடுகிலும் பொதுமக்கள் அன்னதானம் செய்து வருகின்றனர். இன்று மாலை தேரடி வீதியில் உள்ள நான்கு ரத வீதிகளில் தைப்பூச தேரோட்டம் நடைபெற உள்ளது‌.