Bison: பா. ரஞ்சித் அரசியலுக்கு வருவது குறித்து மாரி செல்வராஜ்| mariselvraj on pa.ranjith political entry

மாரி செல்வராஜ் இயக்கி இருக்கும் `பைசன்” திரைப்படம் தீபாவளியை முன்னிட்டு நாளை (அக்டோபர் 17) வெளியாக இருக்கிறது.

துருவ் விக்ரம், அனுபமா பரமேஸ்வரன், ரஜிஷா விஜயன், பசுபதி, அமீர் எனப் பலரும் இத்திரைப்படத்தில் நடித்திருக்கின்றனர்.

நீலம் ஸ்டூடியோஸ் மற்றும் அப்ளாஸ் என்டர்டெயின்மென்ட் இணைந்து இப்படத்தைத் தயாரித்திருக்கிறது.

இந்நிலையில் பைசன் படத்திற்கான செய்தியாளார் சந்திப்பு நேற்று நடைபெற்றது.

அப்போது மாரி செல்வராஜிடம் பா. ரஞ்சித் அரசியலுக்கு வருவாரா? என்று கேள்வி கேட்கப்பட்டது.

அதற்கு பதிலளித்த அவர், “நான் அவரிடம் அரசியலுக்கு வருவது குறித்து கேட்டால் சிரிப்பார். அந்த சிரிப்பு அக்சஃப்ட் செய்துகொள்வது போன்றுதான் இருக்கும்.

அதனை அவர் அரசியலுக்கு வருவதற்கான பதிலாகத்தான் நான் எடுத்துக்கொள்கிறேன். நிச்சயமாக அவர் அரசியலுக்கு வருவதற்கு எல்லாத் தகுதியும் இருக்கிறது.

பயப்பட மாட்டார். களத்தில் இறங்கி வேலை செய்ய வேண்டும் என்று ஆசைப்படுகிறார். நிச்சயம் அதனை செய்வார்.” என்றார்.