Bison: மாரி செல்வராஜை பாராட்டிய திருமாவளவன் | Thirumavalavan Hails Mari Selvaraj’s Bison: A Film That Shakes the Nation

பார்மாரி செல்வராஜ் இயக்கத்தில் துருவ் நடித்துள்ள திரைப்படம் திரையரங்குகளில் ரசிகர்களால் கொண்டாடப்பட்டு வருகிறது. பசுபதி, ரஜிஷா விஜயன், அனுபமா பரமேஸ்வரன், மதன், அமீர், லால் ஆகியோர் இணைந்து நடித்துள்ளனர்.

Bison – திருமாவளவன் ரிவியூ

இந்த திரைப்படத்தைப் பார்த்த விடுதலை சிறுத்தைகள் கட்சியின் தலைவரும், எம்.பியுமான தொல்.திருமாவளவன், “மாரி செல்வராஜ் அவர்களுக்கு இது ஐந்தாவது திரைப்படம். ஒவ்வொரு திரைப்படமும் தமிழ் மக்களின் கவனத்தை வெகுவாக ஈர்த்திருக்கிறது.

இந்த திரைப்படம் தேசிய அளவில் பெரும் தாக்கத்தை ஏற்படுத்தும். மாரி செல்வராஜ் அவர்கள் இன்னும் இன்னும் உயர்ந்த இடத்திற்கு செல்வார் என்பதை உறுதிப்படுத்தக்கூடிய ஒரு திரைப்படமாக இது அமைந்திருக்கிறது.

அந்த அளவுக்கு இந்த படத்தில் அவர் கையாண்டிருக்கிற யுத்திகள், வசனங்கள், காட்சிகள் ஒவ்வொன்றும் நம்மை ஆக்கிரமிக்கிறது. ஆளுமை செய்கிறது.

1990களில் தென்மாவட்டங்களில் குறிப்பாக தூத்துக்குடி மாவட்டத்தில் நிலவிய சமூக சிக்கல்களை மையமாகக் கொண்டு, வரலாற்று உண்மைகளை கருப்பொருளாக கொண்டு, ஒரு கபடி விளையாட்டு வீரரின் வாழ்க்கையை படமாக்கி இருக்கிறார்.

“துருவ் விக்ரம்: வசனங்கள் குறைவு, அபாரமான நடிப்பு”

மணத்தி கணேசன் என்கிற அந்த வீரர் இந்தியாவின் மிக உயரிய அர்ஜுனா விருதினை பெற்றவர். கடுமையான சாதிய சிக்கல் நிறைந்த தூத்துக்குடி மாவட்ட சமூக கட்டமைப்பில் அவர் எத்தகைய நெருக்கடிகளை எல்லாம் எதிர்கொண்டு, அவற்றை எல்லாம் மீறி மாநில அளவிலும் தேசிய அளவிலும் வீரராக தேர்வு செய்யப்பட்டு, ஜப்பானில் நடைபெற்ற ஆசிய விளையாட்டு போட்டியிலும் பங்கேற்று இந்தியாவுக்கு பெருமை சேர்க்கக்கூடிய வகையில் தங்க பதக்கத்தை வென்றார் என்பதை சொல்லுகிற கதைதான் பைசன்.