Kiss: “படம் வெளியான 2வது நாளிலேயே வெற்றினு சொல்லி கேக் வெட்டுகிறோமா…”- நடிகர் கவின் கலகல பதில் | Actor Kavin has spoken about the success celebration of the film KISS

‘கிஸ்’ படத்தின் வெளியீட்டையொட்டி சென்னை கமலா தியேட்டரில் படம் பார்த்த கவின், “என்னோட படங்கள் எல்லாமே கொஞ்சம் கொஞ்சமாகத்தான் ரசிகர்களோட கவனத்த ஈர்த்து வரவேற்பைப் பெற்றிருக்கு. அதுபோல இந்தப் படமும் மெல்ல மெல்ல அதிக தியேட்டரில் வெளியாகி வருகிறது. படம் பார்த்தவர்களின் வாய்மொழி பாராட்டால் படம் கவனம் ஈர்த்த்து வருகிறது.

படம் பார்த்தவர்கள் எல்லோருக்கும் படம் பிடித்திருக்கிறது. என்னுடைய முந்தைய படங்களுக்கு எப்படி ஆதரவையும், வரவேற்பையும் கொடுத்தீங்களோ, அதை இந்தப் படத்துக்கும் கொடுங்கள் என கேட்டுக்கிறேன்.” என்றார்.

2வது நாளிலே வெற்றினு கேக் வெட்ட வேண்டாம்னு சொன்னேன்

இதையடுத்து படம் வெற்றி என்று கேக் வெட்டிக் கொண்டாடிய கவினிடம், ‘2வது நாளிலேயே கேட் வெட்டிக் கொண்டாட்டமா?’ என்று பத்திரிகையாளர் கேட்ட கேள்விக்குப் பதிலளித்த கவின், ” இதெல்லாம் வேண்டாம்னு எவ்வளவோ சொன்னேன். ‘படம் வெளியாகி 2வது நாளிலேயே படம் வெற்றினு கேக் வெட்டிக் கொண்டாட்டமானு’ கேட்பாங்க, ட்ரோல் பண்ணுவாங்கனு முன்கூட்டியே சொன்னேன். ஆனால், இந்த கமாலா தியேட்டர் நண்பர் கேட்கல. இதையெல்லாம் தவிர்த்திருக்கலாம்” என்று கலகலப்பாக பதிலளித்திருந்தார் கவின்.