🚀 Suchindram – Thanumalayan Swamy Temple Chariot Festival!! | கன்னியாகுமரி

10 நாட்கள் வெகுவிமர்சையாக நடைபெறும் நிலையில் இந்தாண்டிற்கான மார்கழி பெருந்திருவிழா கடந்த 25ம் தேதி காலை பக்தர்கள் புடைச்சூழ கொடியேற்றத்துடன் திருவிழா தொடங்கியது. தினந்தோறும் சாமிக்கு சிறப்பு‌ அபிஷேகம் மற்றும் அலங்கார தீபாராதனைகள் பல வண்ண மலர்களால் அலங்கரிக்கப்பட்ட பல்லாக்கில் ஊர்வலமாக சாமி வீதி உலா வந்து பக்தர்களுக்கு அருள் பாலிக்கும் நிகழ்ச்சிகளும் நடைபெற்று வருகிறது.

மேலும், மாலை வேளையில் சமய சொற்பொழிவு போன்ற கலை நிகழ்ச்சிகளும் நடைபெற்று வருகிறது. திருவிழாவில் மூன்றாம் நாள் இரவு மக்கள்மார் சந்திப்பு நிகழ்ச்சியும், ஐந்தாம் திருவிழாவில் கருட தரிசன நிகழ்ச்சியும் ஏழாம் திருவிழாவில் கைலாச பருவத வாகனத்தில் சுவாமி திருவீதி உலா நிகழ்ச்சி நடைபெற்றது.

மேலும், மருத்துவத்துறை தீயணைப்புத்துறை சார்பில் சிறப்பு ஏற்பாடுகள் செய்யப்பட்டிருந்தன. சுசீந்திரம் பேரூராட்சி சார்பில் பக்தர்களுக்கு அடிப்படை வசதிகளும் ,தேரோட்டம் நிகழ்ச்சியை காணவரும் பக்தர்களுக்காக போக்குவரத்து துறை சார்பில் சிறப்பு பேருந்துகள் இயக்கப்பட்டன. தேரோட்டம் நிகழ்ச்சியை ஒட்டி குமரி மாவட்டத்திற்கு உள்ளூர் விடுமுறை அளிக்கப்பட்டது குறிப்பிடத்தக்கது.