வெற்றி மாறன் இயக்கத்தில் சிம்பு நடிக்கும் `அரசன்’ படத்தின் புரோமோ வீடியோ திரையரங்குகளில் வெளியாகி இருக்கிறது. Vetrimaaran – Simbu’s `Arasan’ movie promo has got released in theatres.

இப்படத்தின் ப்ரோமோ வீடியோ சில நாட்களுக்கு முன்பே வெளியாகும் என அறிவித்திருந்தனர். ஆனால், திரையரங்கம் மற்றும் யூட்யூப் என இரண்டிலும் ஒரே நேரத்தில் வெளியிட திட்டமிட்டு புரோமோ ரிலீஸ் தேதியை தள்ளி வைத்தது படக்குழு. இன்றைய தினம், திரையரங்குகளில் `அரசன்’ படத்தின் ப்ரோமோ வீடியோவை வெளியிட்டிருக்கிறார்கள். நாளை காலை யூட்யூபில் வெளியாகிறது.

இயக்குநர் நெல்சனும் இந்த புரோமோவில் நடித்திருக்கிறார். இதுவரை அவர் இயக்கிய படங்களின் புரோமோ வீடியோக்களில் மட்டுமே நடித்து நம்மை என்டர்டெயின் செய்த நெல்சன், தற்போது இப்படத்தின் ப்ரோமோ வீடியோவிலும் நடித்து ரசிக்க வைத்திருக்கிறார்.

3 கொலைகளை செய்ததற்காக நீதிமன்றத்தில் ஆஜராகும் சிம்பு தன்னுடைய கதையை படமாக நெல்சனிடம் எடுக்க சொல்வதைதான் இந்த காணொளியின் உள்ளடக்கம்.

அனிருத் இசையில் உருவாகியிருக்கும் இந்தப் புரோமோவில் தனுஷ் ரெஃபரென்ஸ் வைத்திருப்பதை ஹைலைட் விஷயமாக ரசிகர்கள் திரையரங்குகளில் ஆர்ப்பரித்துக் கொண்டாடி வருகின்றனர்.

ரசிகர்களுடன் இணைந்து திரையரங்குகளில் இந்த புரோமோ காணொளியை விரும்பியதாகவும், பாதுகாப்பு காரணங்களுக்காக வரவில்லை என சிம்பு பேசிய காணொளியையும் இந்த வீடியோவில் இணைந்திருக்கிறார்கள்.