மதுரை ‘இட்லி கடை’ ப்ரீ ரிலீஸ் ஈவண்டில் தனுஷாக நடித்த மாஸ்டர் தீகனின் அம்மா, ‘தனுஷ் சாருக்கு எப்பவும் விசுவாசமாக இருக்கனும்’ என்று உணர்ச்சிப்பூர்வமாகப் பேசியிருக்கிறார். Madurai ‘Idli Kadai’ pre-release event

தனுஷ் இயக்கி நடித்திருக்கும் “இட்லி கடை’ படம் வரும் அக்டோபர் 1ம் தேதி திரையரங்குகளில் வெளியாகவிருக்கிறது. தனுஷ், நித்யா மேனன், அருண் விஜய், ஷாலினி பாண்டே, சத்யராஜ், ராஜ்கிரண், பார்த்திபன் உள்ளிட்ட பலரும் நடித்திருக்கின்றனர்.

சென்னையில் இப்படத்தின் இசை வெளியீட்டு விழா நடந்ததை அடுத்து, கோவையில் ப்ரீ ரிலீஸ் ஈவென்ட் நடைபெற்றது. இப்போது மதுரையில் நடைபெற்று வருகிறது.

இதில் தனுஷின் சிறுவயது கதாபாத்திரத்தில் நடித்திருக்கும் மாஸ்டர் தீகனின் அம்மா பேசுகையில், “நான் கும்பிட்ட சிவனும், முருகனும் சேர்ந்துதான் என் மகனுக்கு இந்த வாய்ப்ப கொடுத்திருக்காங்க. படத்துலயும் என் மகன் பேர் முருகன் என்பதுல ரொம்ப சந்தோஷம்.