மேஷம்: எதிர்பார்த்த வேலைகள் தடையின்றி முடியும். பிள்ளைகளால் மகிழ்ச்சி தங்கும். பூர்வீக வீட்டை சீரமைத்து விரிவுபடுத்தி கட்டுவீர். வியாபாரம் ஓரளவு லாபம் தரும். அலுவலகத்தில் வீண் விவாதம் தவிர்ப்பீர்.
ரிஷபம்: தடைபட்டிருந்த காரியங்கள் நல்ல விதத்தில் முடிவடையும். பழைய பிரச்சினைகளுக்கு மாறுபட்ட அணுகுமுறையால் நல்ல தீர்வு காண்பீர். வியாபாரத்தில் போட்டிகள் குறையும். அலுவலகத்தில் மதிப்பு உயரும்.
மிதுனம்: வெளிவட்டாரத்தில் நிதானமாக பழகவும். தம்பதிக்குள் மனக்கசப்புகள் வரக்கூடும். வியாபாரத்தில் பாக்கிகளை போராடி வசூலிப்பீர்கள். அலுவலகத்தில் பணிச்சுமை அதிகரிக்கும். மேலதிகாரி பாராட்டுவார்.
கடகம்: விலையுயர்ந்த கலை பொருட்களை வாங்குவீர். அக்கம் பக்கத்தினருடன் அளவாக பழகுவது நல்லது. வியாபாரத்தில் அதிரடியாக செயல்பட்டு லாபமீட்டுவீர். அலுவலகரீதியாக வெளியூர் பயணம் மேற்கொள்வீர்.
சிம்மம்: புது சிந்தனையால் மனக்குழப்பங்கள் விலகும். சேமிக்கும் அளவுக்கு பணம் வரும். பூர்வீக சொத்து பிரச்சினையில் நல்ல தீர்வு கிடைக்கும். குடும்பத்தில் நிம்மதி உண்டு. வியாபாரம், உத்தியோகம் சிறக்கும்.
கன்னி: யோகம் உண்டாகும். உறவினர்கள் உங்களைப் பற்றி பெருமையாக பேசுவர். வீட்டில் சுபநிகழ்ச்சி ஏற்பாடாகும். வியாபாரத்தில் பாக்கிகள் வசூலாகும். அலுவலகத்தில் தேடிய முக்கிய ஆவணம் தென்படும்.
துலாம்: வெளிவட்டாரத்தில் மதிப்பு உயரும். சிலர் உங்கள் உதவியை நாடுவர். சகோதரர் உங்களை புரிந்து கொள்வார். பங்குதாரர் ஆலோசனையின்படி கடையில் மாற்றங்களை செய்வீர். அலுவலகத்தில் குழப்பம் தீரும்.
விருச்சிகம்: பாதியில் நின்ற வேலைகள் முடிவடையும். பணவரவு திருப்தி தரும். உறவினர்கள் ஒத்துழைப்பர். அலுவலகத்தில் உயரதிகாரி முக்கிய விஷயங்களை பகிரும் அளவுக்கு நெருக்கமாவீர். வியாபாரம் சிறக்கும்.
தனுசு: தாயாரின் மருத்துவ செலவுகள் குறையும். உடன்பிறந்தோர் ஒத்தாசையாக நடந்து கொள்வார்கள். யோகா, தியானம் என மனம் செல்லும். வியாபாரத்தில் பாக்கி வசூலாகும். உத்தியோகத்தில் முன்னேற்றமுண்டு.
மகரம்: பிள்ளைகள் படிப்பு தொடர்பான கவலைகள் இருக்கும். குடும்பத்தில் விட்டுக் கொடுத்து போகவும் வியாபாரத்தில் புது முடிவுகள் எடுக்க வேண்டாம். அலுவலகரீதியான பயணங்கள் அலைச்சல் தரும்.
கும்பம்: குடும்பத்தினரின் எண்ணங்களைக் கேட்டறிந்து பூர்த்தி செய்வீர்கள். வீடு, மனை வாங்குவது, விற்பது லாபகரமாக அமையும். மாணவர்கள் படிப்பில் கவனம் செலுத்துவர். வியாபாரம், உத்தியோகத்தில் ஏற்றமுண்டு.
மீனம்: பழைய பொருட்களை மாற்றிவிட்டு புதியன வாங்குவீர். மனைவி வழியில் ஆதாயம் இருக்கும். வியாபாரத்தில் வராது என்றிருந்த பணம் வந்து சேரும். அலுவலகத்தில் யாரைப் பற்றியும் குறை கூறாதீர்கள்.
| ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை ‘இந்து தமிழ் திசை’யின் கருத்துகள் அல்ல. |