மேஷம் : அரசு காரியங்களில் இருந்த தடைகள் விலகும். வெளிவட்டாரத் தொடர்பு அதிகரிக்கும். வியாபாரத்தில் பழைய சரக்குகள் விற்றுத் தீரும். பங்குதாரர்களின் ஆலோசனைகளைக் கேட்டு நடக்கவும். அலுவலகத்தில் நிம்மதியுண்டு. வெளியூர் பயணங்கள் மகிழ்ச்சி தரும்.
ரிஷபம் : ஆன்மிக நாட்டம் அதிகரிக்கும். பழைய பிரச்சினைகளுக்கு மாறுபட்ட அணுகுமுறையால் தீர்வு காண்பீர். அலுவலகத்தில் அதிகாரிகள் முக்கிய அறிவுரை தருவர். வியாபாரத்தை பெரியளவில் விரிவுபடுத்தும் முயற்சியில் இறங்குவீர். ஓரளவு லாபம் உண்டு.
மிதுனம் : குடும்பத்தில் விட்டுக் கொடுத்துப் போகவும். குலதெய்வ வழிபாடு செய்ய சொந்த ஊர் செல்வீர். மகனின் படிப்பு, மகளின் திருமணம் தொடர்பாக அலைச்சல் இருக்கும். வியாபாரத்தில் போட்டி கூடும். அலுவலகத்தில் யாரையும் பகைத்துக் கொள்ளாதீர்.
கடகம் : குடும்பத்தாரின் ஒத்துழைப்பு கூடும். சேமிக்கும் எண்ணம்மனதில் தோன்றும். பிள்ளைகளால் பெருமை அடைவீர். அலுவலகத்தில் தேடிய முக்கிய ஆவணம் தென்படும். வியாபாரத்தில் வேற்றுமொழி பேசுபவர்கள் ஆதரவு தருவர். புதிய வாடிக்கையாளர்கள் வருவார்கள்.
சிம்மம் : ஒதுங்கியிருந்த உறவினர், நண்பர்கள் ஓடி வந்து பேசுவர். தம்பதிக்குள் நெருக்கம் கூடும். வியாபாரத்தில் பழைய பாக்கி வசூலாகும். பங்குதாரர்களை அனுசரித்து நடந்து கொள்ளவும். அலுவலகத்தில் பணிச்சுமை கூடும். உழைப்புக்கேற்ற அங்கீகாரம் கிடைக்க போராடுவீர்.
கன்னி : பிள்ளைகளின் பிடிவாதம் குறைந்து உங்கள் பேச்சுக்கு செவி சாய்ப்பார்கள். மகளுக்கு திருமணம் கூடி வரும். வியாபாரத்தில் வராக்கடன் வந்து சேரும். மக்கள் அதிகம் கூடும் இடத்துக்கு கடையை மாற்றுவீர். அலுவலகத்தில் விவாதங்களை தவிர்த்து விடவும்.
துலாம் : பணவரவு கூடும். கைமாற்றாக வாங்கியிருந்த தொகையை தந்து முடிப்பீர்கள். தாய்வழி உறவினர்கள் மத்தியில் மதிப்பு கூடும். வியாபாரம் விறுவிறுப்பாக அமையும். பாக்கிகள் வசூலாகும். உத்தியோகரீதியாக வெளியூர் பயணங்கள் மேற்கொள்ள நேரும்.
விருச்சிகம் : அலைச்சல், காரியத் தடைகள் வரக்கூடும். அக்கம் பக்கத்தினரின் அன்புத் தொல்லை குறையும். வெளிவட்டாரத்தில் நிதானம் தேவை. வியாபாரரீதியாக முக்கிய பிரமுகர்களை சந்திப்பீர். அலுவலகத்தில் தான் உண்டு தன் வேலை உண்டு என்று இருப்பது நல்லது.
தனுசு : எதிர்பார்த்த உதவி தக்க சமயத்தில் கிடைக்கும். தெளிவான முடிவுகளால் தொல்லை நீங்கும். யோகா, ஆன்மிகத்தில் நாட்டம் உண்டு. வியாபாரம் சூடு பிடித்து ஓரளவு லாபம் கிட்டும். அலுவலகத்தில் இழுபறியாக இருந்த பணிகளை வெற்றிகரமாக முடிப்பீர்கள்.
மகரம் : வெளிவட்டாரத்தில் கவுரவப் பதவிகள் தேடி வரும். மனைவிவழியில் ஒத்துழைப்பு அதிகரிக்கும். புது வேலை அமையும். அரசால் அனுகூலம் உண்டு. வாகனப் பழுது நீங்கும். அலுவலகத்தில் விவாதங்களை தவிர்த்து விடவும். வியாபாரத்தை பெரியளவில் விரிவுபடுத்துவீர்.
கும்பம் : சோர்வு நீங்கி சுறுசுறுப்படைவீர்கள். அதிகாரப் பதவியில் இருப்பவர்கள் நட்புறவாடுவர். வியாபாரத்தில் புதிய பங்குதாரர்கள் கிடைப்பர். அதிகளவில் சரக்குகளை கொள்முதல் செய்வீர். அலுவலகத்தில் பொறுப்புகள் கூடும். உயர் பதவிக்கு பரிந்துரை செய்யப்படுவீர்கள்.
மீனம் : திட்டமிட்ட பணியை முடிக்க போராட வேண்டி இருக்கும். எதிலும் நிதானமாக செயல்படுவது நல்லது. முக்கிய பிரமுகர்களின் உதவியுடன் சில காரியங்களை முடிப்பீர். அரசால் அனுகூலம் உண்டு. வியாபாரத்தில் பாக்கி வசூலாகும். உத்தியோகத்தில் ஏற்றம் காண்பீர்.
|
ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை ‘இந்து தமிழ் திசை’யின் கருத்துகள் அல்ல
|