லோகேஷ் கனகராஜ் இயக்கத்தில், ரஜினி நடித்திருக்கும் ‘கூலி’ திரைப்படம் ஆகஸ்ட் 14-ம் தேதி வெளியாகவிருக்கிறது.
மிகுந்த எதிர்பார்ப்புக்கு மத்தியில் பிரமாண்டமாக திரைப்படம் திரையரங்குகளில் வெளியாகவிருக்கிறது.
படத்தின் ப்ரோமோஷனுக்காக லோகேஷ் கனகராஜ் சமீபத்தில் சில பேட்டிகளை அளித்திருந்தார்.
இதனைத் தொடர்ந்து அனிருத்தும் சில ஊடகங்களுக்கு பேட்டி கொடுக்கத் தொடங்கிவிட்டார். அப்படி சமீபத்திய பேட்டி ஒன்றில், தனது அன்றாட வாழ்க்கை குறித்தும், தனது ஸ்டூடியோ நண்பர்கள் தொடர்பாகவும் பேசியிருக்கிறார்.
அந்தப் பேட்டியில் அவர், “தினமும் மதிய நேரத்தில் நான் விழித்துக் கொள்வேன். எழுந்து அப்பா, அம்மாவுடன் 20 நிமிடங்கள் செலவழித்துவிட்டுதான் ஸ்டூடியோவுக்குச் செல்வேன்.
ஸ்டூடியோவில் என்னுடைய குழுவினர் மொத்தமாக 8 நபர்கள் இருக்கிறார்கள். டிரம்ஸ் வாசிப்பவர், வயலின் வாசிப்பவர், சவுண்ட் இன்ஜினீயர் என மொத்தமாக 8 நபர்கள் இருக்கிறோம்.
என்னுடைய பள்ளி, கல்லூரி நாட்களில் இருந்த அதே குழுதான் இப்போதும் என்னிடம் இருக்கிறார்கள். எங்களுக்கு வேலையைச் செய்வதுபோன்ற ஃபீலே இருக்காது.
ஜாலியாக நண்பர்களுடன் சேர்ந்து மியூசிக் செய்வதுபோலதான் இருக்கும். அவர்கள் சொல்லும் பரிந்துரைகளையும் நான் எடுத்துக்கொள்வேன்.
குழுவிலிருக்கும் 8 நபர்களுக்கும் ஒரு பாடல் பிடிக்கவில்லையென்றால் அதை படத்தின் இயக்குநருக்கே அனுப்பமாட்டோம்.
எல்லோருக்குமே பிடித்தால்தான் அந்த டியூன் நடக்கும். இல்லையெனில், வேறு ஒரு டியூனில் வேலை செய்யத் தொடங்கிவிடுவோம். நண்பர்களாகிய நாங்கள் ஜாலியாகதான் அத்தனை வேலையையும் செய்வோம்.” எனக் கூறியிருக்கிறார்.
சினிமா விகடனின் பிரத்யேக Whatsapp க்ரூப்
https://chat.whatsapp.com/JSk78H7siYK4aL2qO1RglR
சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள…
உங்கள் வாட்ஸ் அப் மூலமே இணைந்திருங்கள் சினிமா விகடனுடன்…
https://chat.whatsapp.com/JSk78H7siYK4aL2qO1RglR