பிறகென்ன , மறுநாள்ல இருந்தே ஒரே ஒர்க் அவுட்தான். பார்த்தாலே ஒரு லுக் இருக்கணும்கிற மாதிரியான கேரக்டர்ங்கிறதால ஜிம், டயட்னு ஒரு ஷேப்புக்குள் வர வேண்டிய கட்டாயம்.
ஷூட்டிங் நாலு மாசம் போனேன். அதுல பதினைஞ்சு நாள் விஜய் சார் காம்பினேஷன் சீன் இருந்துச்சு.
வாழ்க்கையில சிலருக்கு சில மொமென்ட்ஸ் ஒரு தடவைதான் நடக்கும். எனக்கு இந்த வாய்ப்பும் இந்தப் படத்துல நடிச்ச அனுபவமும் அந்த ரகம்தான். திரும்பக் கிடைக்காது.
முதல் நாள் செட்ல விஜய் சார்கிட்ட அவருடைய காஸ்ட்யூம் டிசைனர் தான் என்னை அறிமுகப்படுத்தினார்.
‘ஆல் தி பெஸ்ட் ப்ரோ’னு சொன்னார். அதோட அன்னைக்கு மீட் முடிஞ்சது.
தொடர்ந்து ஷூட்டிங் ஸ்பாட்ல அவர் நடிக்கிறதை நான் பார்த்துட்டே வந்தேன். எல்லாமே சிங்கிள் டேக்தான். கேஷ்வலா, ஸ்டைலிஷா பண்ணிக்கிட்டே போயிட்டிருந்தார். ஒரு பெரிய ஆடியன்ஸ் மத்தியில் ஸ்டேஜ்ல அவர்பேசற சீன். மனுஷன் அசால்ட்டா பண்ணினார்.