✅ கழுகுமலை முருகன் கோயில் தைப்பூச திருவிழா.. தேர் சக்கரத்தில் சிக்கி முதியவர் உயிரிழப்பு..! | Spirituality News (ஆன்மீக செய்திகள்)

கழுகுமலை கழுகாசலமூர்த்தி கோயிலில் தைப்பூசத் திருத் தேரோட்டம் வெகு விமரிசையாக நடைபெற்றது. அப்போது அதே பகுதியை சேர்ந்த சப்பாணி முத்து என்பவர் தேருக்கு தடி போட்டுக் கொண்டிருந்தார். திடீரென்று கால் இடறி தேரின் இடதுபுற சக்கரத்தில் சிக்கி முதியவர் உயிரிழந்தார். இதனால் அங்கு அசாதாரண சூழல் நிலவியது.

இதனையடுத்து அவரது உடலை காவல்துறையினர் கைப்பற்றி கோவில்பட்டி அரசு மருத்துவமனைக்கு அனுப்பி வைத்தனர். அதனை தொடர்ந்து சிறிது நேரம் நிறுத்தப்பட்டு, சிறப்பு பூஜைக்குப் பிறகு தேர் நிலைக்குச் சென்றது. உயிரிழந்த சப்பாணி முத்து, அங்குள்ள தீப்பெட்டி தொழிற்சாலையில் காவலாளியாக பணியாற்றி வந்தது குறிப்பிடத்தக்கது.