✅ சாரல் மழையில் மீனாட்சியின் அஷ்டமி சப்பரம்… மக்களுக்கு இறைவன் படி அளக்கும் லீலை நிகழ்வு | ஆன்மிகம்

அதிகாலையிலேயே மதுரை மீனாட்சி அம்மன் சுந்தரேஸ்வரருக்குக் கோயிலில் பல்வேறு சிறப்பு பூஜைகள் நடைபெற்று, பிறகு கோயிலிலிருந்து புறப்பாடாகித் தேர் முட்டி சாலையில், அலங்கரிக்கப்பட்ட சப்பரத்தில் சுந்தரேஸ்வரர் பிரியாவிடையுடனும், மீனாட்சியம்மன் தனித் தனி சப்பரங்களில் எழுந்தருளி பக்தர்களுக்குக் காட்சியளித்தனர்.

சிவனடியார்கள் கயிலாய வாத்தியம் முழங்க கீழமாசி வீதியில் புறப்பாடாகிய சப்பரம் யானைக்கல், கீழ வெளி வீதி, தெற்கு வெளிவீதி, மேல வெளிவீதி, வக்கீல் புதுத்தெரு வழியாக வலம் வந்து மீண்டும் கோயிலுக்கு வந்தடைந்தது. மீனாட்சியம்மன் எழுந்தருளும் சப்பரத்தைப் பெண் பக்தர்கள் மட்டுமே வடம் பிடித்து இழுத்துச் செல்வது இந்த அஷ்டமி சப்பர திருவிழாவின் விசேஷமான நிகழ்வாகும்.