🔥 திருப்பதி ஏழுமலையான் கோயிலில் மொரிஷியஸ் நாட்டு அதிபர் மற்றும் நடிகை ஐஸ்வர்யா ராஜேஷ் சாமி தரிசனம்! | ஆன்மிகம்

இந்த நிலையில், திருப்பதி ஏழுமலையான் கோயிலில் மொரிஷியஸ் நாட்டு ஜனாதிபதி ஸ்ரீ தரம்பீர் கோகுல் வழிபட்டார். தனது மனைவியுடன் செவ்வாய்க்கிழமை அன்று திருமலைக்கு வந்த ஸ்ரீ தரம்பீர் கோகுலுக்கு தேவஸ்தான அதிகாரிகள் சிறப்பு வரவேற்பு அளித்தனர். இதையடுத்து இரவு திருமலையில் தங்கிய அவர், புதன்கிழமை காலை மனைவியுடன் கோயிலுக்கு சென்று, விஐபி தரிசனம் மூலம் ஏழுமலையானை தரிசனம் செய்தார். பின்னர் அவருக்கு தீர்த்த பிரசாதங்கள் கொடுத்து, வேத பண்டிதர்கள் ஆசி வழங்கினர்.

அதே போல, திருப்பதி ஏழுமலையான் கோயிலில் நடிகை ஐஸ்வர்யா ராஜேஷ் வழிபட்டார். விஐபி பிரேக் தரிசனம் மூலம் குடும்பத்துடன் வழிபாடு நடத்திய ஐஸ்வர்யா ராஜேஷுக்கு தீர்த்த பிரசாதங்கள் வழங்கப்பட்டன. இதன்பின் வெளியே வந்த அவருடன், கோயிலுக்கு வந்திருந்த மக்கள் போட்டிபோட்டு செல்ஃபி எடுத்துக்கொண்டனர்.