💡 எல்லநள்ளி ஐயப்பன் கோவில் தேர் திருவிழா… சாமியே ஐயப்போ கோஷத்துடன் தீ மிதித்த பக்தர்கள்… | ஆன்மிகம்

ஐயப்ப பக்தர்கள் வடம்பிடித்துத் தேர் பவனியை எடுத்துச் சென்றனர். பல வண்ண மலர்களால் அலங்கரிக்கப்பட்ட தேரில், ஐயப்பன் சிறப்பு அலங்காரத்தில் பக்தர்களுக்கு அருள்பாலித்தார். செண்டை மேளம் முழங்க நகரின் முக்கிய வீதிகளில் வலம் வந்த தேர் பவனி எல்லநள்ளி ஐயப்பன் கோவிலை வந்தடைந்தது.

இதனைத் தொடர்ந்து 3ஆம் ஆண்டு 18ஆம் படி பூஜை நடைபெற்றது. இதில் விரதம் இருந்து படி ஏறி நேர்ச்சை கடனை முடித்துக் கொண்டனர். தொடர்ந்து 11ஆம் ஆண்டு பூ குண்டம் நடைபெற்றது.

இதில் ஐயப்ப பக்தர்கள் தங்கள் குழந்தைகள் முதல் பெரியவர்கள் வரை கலந்து கொண்டனர். மேலும் கோவிலில் நடைபெற்ற நிகழ்வுகளையும் ஐயப்பன் தரிசனத்தையும் காண ஏராளமான பக்தர்கள் சுவாமியே, ஐயப்பா என்ற கோஷத்துடன் வருகை தந்தனர்.