🔥 கடற்கரையில் நடைபெற்ற கங்கா ஆரத்தி… பயபக்தியுடன் கலந்து கொண்ட பக்தர்கள் ! | புதுச்சேரி

இந்த நிகழ்வில் 7 குழந்தைகளை சப்த கன்னிகளாக பாவித்து பாத பூஜை செய்தும், 27 சுமங்கலி பெண்களை நட்சத்திரமாக பாவித்து தீபம் ஏற்றி அவர்களுக்கு கொட்டும் மழையில் ஆராதனை செய்யப்பட்டது. இதில் கலந்து கொண்ட சிவாச்சாரியார்கள் சிவ வாத்தியங்கள் முழங்க சுமங்கலி பெண்களுக்கு ஆரத்தி எடுத்து பஞ்சபூதங்களை வணங்கினர். இதில் புதுச்சேரி மட்டுமின்றி சுற்றுப்புறங்களில் இருந்து ஏராளமான சிவனடியார்கள் மற்றும் பொதுமக்கள் கலந்து கொண்டு தரிசனம் செய்து சென்றனர்.

தொடர்ந்து பக்தர்களுக்கு பிரசாதமும், அன்னதானமும் வழங்கப்பட்டது. கடற்கரை சாலையில் நடைபெற்ற இந்த நிகழ்ச்சியில் புதுச்சேரி மட்டுமல்லாமல் வெளி மாநில வெளி நாடுகளைச் சேர்ந்த சுற்றுலாப் பயணிகள் ஆர்வமுடன் கலந்து கொண்டனர்.