🔥 குமரி திரிவேணி சங்கமத்தில் மகா சமுத்திர ஆரத்தி… நீதிபதி ஜி.ஆர்.சுவாமிநாதன் தரிசனம்… | Spirituality News (ஆன்மீக செய்திகள்)

மாலை நேரத்தில் கடற்கரையில் உள்ள பரசுராமர் விநாயகர் கோவில் முன்பு பக்தர்கள் ஒன்று திரண்டு சிறப்பு பூஜைகளுடன் வழிபாடுகளைத் தொடங்கினர். பின்னர் முக்கடலும் சங்கமிக்கும் திரிவேணி சங்கமம் நோக்கி ஊர்வலமாகச் சென்ற பக்தர்கள், கடல் அன்னைக்கு பால் மற்றும் புனித நீரை ஊற்றி சமுத்திர அபிஷேகம் செய்தனர்.

இதனைத் தொடர்ந்து, ஐந்து அடுக்கு தீபங்களை ஏந்திய சிவாச்சாரியார்கள் மேளதாளங்கள், கயிலை வாத்தியங்கள் முழங்க, கிழக்கு திசையை நோக்கி கடற்கரையில் நின்று மகா சமுத்திர தீர்த்த ஆரத்தியை பக்தி பரவசத்துடன் நடத்தினர்.

இந்த நிகழ்வில் உயர்நீதிமன்ற மதுரை கிளையின் நீதிபதி ஜி.ஆர்.சுவாமிநாதன் குடும்பத்துடன் கலந்து கொண்டு மகா சமுத்திர தீர்த்த ஆரத்தியை தரிசனம் செய்தார். தொடர்ந்து, ஆரத்தி நிகழ்ச்சி நிறைவடைந்ததும் அவர் கன்னியாகுமரி பகவதி அம்மன் கோவிலுக்கு சென்று சுவாமி தரிசனம் செய்தார்.

நீதியரசரின் வருகையை ஒட்டி கன்னியாகுமரி கடற்கரை மற்றும் கோவில் பகுதிகளில் போலீசார் பாதுகாப்பு பணியில் ஈடுபடுத்தப்பட்டிருந்தனர்.