கும்பாபிஷேக விழா: 3000 -க்கும் மேற்பட்டோர் பங்கேற்ற தீர்த்தக் குட ஊர்வலம்…! | சேலம்

காளியம்மன்கோவில் மகா கும்பாபிஷேக விழாவானது நடைபெற உள்ளது. அதனை முன்னிட்டு தீர்த்தக்குடம் ஊர்வலம் நடைபெற்றது. இந்நிகழ்வில், 3 ஆயிரத்திற்கும் மேற்பட்ட பெண் பக்தர்கள் கலந்துகொண்டு தீர்த்த குடம் எடுத்துச் சென்றனர். இந்த தீர்த்தக்குட ஊர்வலமானது கல்வடங்கம் காவிரி ஆற்றில் இருந்து புனித நீராடி, அங்கிருந்து தீர்த்தக் குடம் எடுத்துக் கொண்டு எடப்பாடி பேருந்து நிலையம் வழியாக வெள்ளாண்டிவலசு கோவில் வரை பட்டாசு வெடித்து, பம்பை, கேரள செண்டை மேளதாளங்கள் முழங்க காளை மாடுகளுடன் ஊர்வலமாக வந்தனர். அதனை தொடர்ந்து, அருள்மிகு ஸ்ரீ காளியம்மன் சுவாமியை பல்லாயிரக்கணக்கான பக்தர்கள் நீண்ட வரிசையில் காத்திருந்து வழிபட்டனர். மேலும் தீர்த்த குடம் எடுத்து வந்த பக்தர்களுக்கு கோவில் நிர்வாக சார்பில் அன்னதானம் வழங்கப்பட்டது.