📌 கொல்லங்கோடு பத்ரகாளி அம்மன் கோவில் மஹா கும்பாபிஷேகம்… திரளான பக்தர்கள் தரிசனம்… | Spirituality News (ஆன்மீக செய்திகள்)

மறு புனரமைப்பு பணிகள் நிறைவு பெற்றதைத் தொடர்ந்து, யாகசாலை பூஜைகள் கடந்த சில நாட்களாக நடைபெற்று வந்தன. இன்று காலை வேத மந்திரங்கள் முழங்க, சிவாச்சாரியர்கள் புனித நீரை கலசங்களில் இருந்து ராஜகோபுரம் மற்றும் விமான கலசங்களுக்கு ஊற்றி மஹா கும்பாபிஷேகத்தை நடத்தினர்.

அதனைத் தொடர்ந்து சிறப்பு அபிஷேகம், தீபாராதனை மற்றும் மகா பிரசாதம் வழங்கப்பட்டது. தூக்க நேர்ச்சைக்காக குழந்தைகளைக் கொண்டு வந்த பெற்றோர்கள் சிறப்பு வழிபாடுகளில் கலந்து கொண்டு நேர்ச்சையை நிறைவேற்றினர்.

கோவில் வளாகம் முழுவதும் பக்தர்கள் கூட்டம் அலைமோதிய நிலையில், பாதுகாப்பு ஏற்பாடுகள் பலப்படுத்தப்பட்டிருந்தன. விழாவை முன்னிட்டு சுற்றுவட்டாரப் பகுதிகளில் பக்தர்களின் வருகையால் திருவிழா சூழல் நிலவியது.