🔥 கௌரி கிஷன் விவகாரம்: “எனக்கு பயமெல்லாம் கிடையாது” – அதர்ஸ் பட நடிகர் ஆதித்யா மாதவன் | “I have no fear at all” – Others actor Aditya Madhavan

கிராண்ட் பிக்சர்ஸ் & அப் செவன் வெஞ்சர்ஸ் தயாரிப்பில் அறிமுக நடிகர் ஆதித்யா மாதவன், 96 புகழ் நடிகை கௌரி ஜி கிஷன், அஞ்சு குரியன், முனிஸ்காந்த், ஹரீஷ் பெராடி, ஜெகன், ஆர். சுந்தர்ராஜன் உள்ளிட்டப் பலர் நடித்திருக்கும் படம் “அதர்ஸ்’.

இந்தப் படத்தை அறிமுக இயக்குநர் அபின் ஹரிஹரன் இயக்கியிருக்கிறார். ஜிப்ரான் இசையமைத்திருக்கிறார். இந்தப் படம் இன்று திரையரங்குகளில் வெளியாகியிருக்கிறது.

இதற்கு முன்னர், `அதர்ஸ்’ திரைப்பட புரோமோஷன் நிகழ்வில், கௌரி கிஷன் எடை குறித்து சினிமா நிருபர் ஒருவர் கேள்வி எழுப்பிய விவகாரம் விவாதமானது.

அதைத் தொடர்ந்து சினிமா பிரபலங்கள், நடிகர் சங்கங்கள் அந்த நிருபருக்கு எதிரகாக் கடும் கண்டனங்களைப் பதிவிட்டு வருகின்றனர்.

இதற்கிடையில், 96 படத்தின் இயக்குநர் பிரேம் குமார் தன் இன்ஸ்டாகிராம் பக்கத்தில்,“ தங்கள் திரைப்படத்தில் நடித்த ஒரு பெண்ணை சூழ்ந்துகொண்டு அத்தனை பேர் வார்த்தை வன்முறையில் ஈடுபடும்போது, அருகிலேயே செயலற்று அமர்ந்திருந்த இயக்குநர் மற்றும் கதாநாயகனின் மௌனம் அதைவிட பெரிய வன்முறை.