🔥 சிதம்பரம் நடராஜர் கோயில் ஆருத்ரா தரிசனம்.. கோலாகல தொடக்கம்.. பக்தர்கள் பரவசம்! | ஆன்மிகம்

உலக பிரசித்தி பெற்ற சிதம்பரம் நடராஜர் கோயிலில் ஆண்டுதோறும் மார்கழி மாதம் ஆருத்ரா தரிசன விழா விமரிசையாக நடைபெறுவது வழக்கம். அந்த வகையில், இந்த ஆண்டுக்கான ஆருத்ரா தரிசன விழா இன்று கொடியேற்றத்துடன் கோலாகலமாக தொடங்கியது. இதையொட்டி காலை பல்வேறு பூஜைகள் நடந்தது. கொடி மரத்திற்கு சிறப்பு பூஜைகள் செய்யப்பட்டன. பின்னர் கொடியேற்றப்பட்டது. ஒவ்வொரு நாளும் பஞ்ச மூர்த்திகள் வீதிவிலா நிகழ்ச்சி நடைபெறும்.

ஜனவரி 2-ஆம் தேதி தேரோட்டம் நடைபெறும். அன்றைய அதிகாலை நடராஜர், சிவகாமசுந்தரி, விநாயகர், முருகர், சண்டிகேஸ்வரர் ஆகிய 5 சுவாமிகள் அலங்கரிக்கப்பட்ட தேர்களில் நான்கு மாட வீதிகளில் வலம் வரும். இரவு ஆயிரங்கால் மண்டபத்திற்கு சாமி எடுத்துச் செல்லப்படும்.

முக்கிய நிகழ்வாக வருகிற ஜனவரி 3-ஆம் தேதி ஆருத்ரா தரிசன விழா நடைபெறும். அதிகாலை ஆயிரங்கால் மண்டபத்தில் நடராஜர், சிவகாமசுந்தரிக்கு மகா அபிஷேகம், திருவாபரண அலங்காரம், சித்சபையில் ரகசிய பூஜை நடைபெறும். மதியம் 2 மணிக்கு நடராஜர், சிவகாமசுந்தரி நடனமாடியபடி சித்தபைக்கு செல்வர். இந்த விழாவிற்கான ஏற்பாடுகளை கோயில் பொது தீட்சிதர்கள் செய்து வருகின்றனர்.