📌 ஜெகதளா ஹெத்தையம்மன் கோவில் திருவிழா… ஆடிபாடி குல தெய்வத்தை வழிபட்ட படுகர் இன மக்கள்… | நீலகிரி

ஹெத்தைக்காரர்கள் அனைத்து கிராமங்களுக்கும் நடந்தே சென்று அந்த கிராமங்களில் அம்மன் அருள்வாக்கு அளித்து திருவிழாவை சிறப்பிக்கின்றனர். அதனைத் தொடர்ந்து ஒரு வார காலம் மடிமனை எனும் இடத்தில் அனைவரும் தங்கி இருந்து கோவிலுக்கு வருபவர்களுக்கு அன்னதானம் மற்றும் பல்வேறு சிறப்பான வசதிகளையும் செய்து தருகின்றனர்.

இன்றைய தினம் ஜெகதளா மடிமனை என்ற இடத்தில் சுற்றுவட்டார பகுதிகளை சேர்ந்த கிராம மக்கள் ஒன்றிணைந்து நடத்திய தீ குண்டம் திருவிழா வெகு விமர்சியாக நடைபெற்றது. இதில் விரதம் இருந்த பக்தர்கள் தீ குண்டத்தில் இறங்கினர். ஹெத்தையம்மன் தீக்குண்டம் திருவிழாவை காண்பதற்காக பல்வேறு பகுதிகளில் இருந்தும் ஏராளமான மக்கள் குவிந்ததால் வெள்ளை நிறத்தில் மக்கள் கூட்டம் அலைமோதியது.