🚀 தஞ்சை பெரிய கோயிலில் சினிமா பாடலுக்கு ரீல்ஸ் ஆடிய இளம்பெண்கள்.. வைரலாகும் வீடியோ.. வலுக்கும் கண்டனம்! | Spirituality News (ஆன்மீக செய்திகள்)

தமிழகம் மட்டுமின்றி வெளிநாடுகளில் இருந்தும் ஆயிரக்கணக்கான பக்தர்கள் மற்றும் சுற்றுலாப்பயணிகள் வருகை தரும் இந்த புண்ணிய தலத்தில், சித்திரை பெருவிழா, நவராத்திரி, பிரதோஷம் உள்ளிட்ட விழாக்கள் ஆண்டு முழுவதும் நடைபெற்று வருகின்றன. இந்நிலையில், பெரிய கோயிலின் உள் பிரகாரத்தில் விமான கோபுரம் முன்பு மூன்று இளம் பெண்கள் குத்தாட்டம் போட்டு ரீல்ஸ் பதிவிட்டுள்ளனர். இது கோயிலின் புனிதத்தைக் கெடுக்கும் செயல் என பக்தர்கள் குற்றம்சாட்டியுள்ளனர்.

கோயிலினுள் பாதுகாப்பு பணியில் இருக்கும் காவலர்கள் மற்றும் செக்யூரிட்டிகளை தாண்டி ரீல்ஸ் மோகத்தில் நடனமாடி வீடியோ எடுத்த பெண்கள் மீது நடவடிக்கை எடுக்க வேண்டும் என கோரிக்கை எழுந்துள்ளது.