🔥 திருச்செந்தூர் காவடி யாத்திரை… கன்னியாகுமரியிலிருந்து உற்சாகமாக கிளம்பிய பக்தர்கள்… | Spirituality News (ஆன்மீக செய்திகள்)

யாத்திரையில் கலந்து கொண்ட பக்தர்களுக்காக குடிநீர், மருத்துவ உதவி, அன்னதானம், ஓய்வு வசதி உள்ளிட்ட அனைத்து அடிப்படை ஏற்பாடுகளும் சிறப்பாக செய்யப்பட்டிருந்தது. உள்ளூர் அமைப்புகள் மற்றும் தன்னார்வலர்கள் இணைந்து பக்தர்களுக்கு தேவையான உதவிகளை வழங்கினர். பாதுகாப்பு ஏற்பாடுகளும் முறையாக மேற்கொள்ளப்பட்டதால், யாத்திரை சீருடனும் ஒழுங்குடனும் நடைபெற்றது.

இதுகுறித்து பக்தர்கள் கூறுகையில், “நாங்கள் ஒவ்வொரு ஆண்டும் குடும்பத்துடன் காவடி எடுத்துக்கொண்டு திருச்செந்தூர் வருவது வழக்கம். இந்த வருடமும் முதல் நாளிலேயே புறப்பட்டோம். கடந்த ஆண்டைக் காட்டிலும் இந்த ஆண்டு கூட்டம் அதிகமாக உள்ளது. வழியெங்கும் நல்ல ஏற்பாடுகள் செய்திருந்தார்கள்.

தண்ணீர், உணவு, ஓய்வு எல்லாம் நன்றாக இருந்தது. மிகவும் ஆனந்தமாக இந்த யாத்திரையில் பங்கேற்கிறோம். முருகப்பெருமானின் அருளால் அனைவரும் நலமாக இருக்க வேண்டும் என்பதே எங்கள் வேண்டுதல்” என்று தெரிவித்தனர்.