⚡ திருவண்ணாமலை அண்ணாமலையார் கோயில் திருக்கார்த்திகை தீப ஜோதி தரிசனம் இன்றுடன் நிறைவு! | ஆன்மிகம்

திருக்கார்த்திகை தீப திருவிழாவையொட்டி 2,668 அடி உயரம் கொண்ட அண்ணாமலையார் மலை உச்சியில், கடந்த 3ஆம் தேதி மகா தீபம் ஏற்றப்பட்டது. அன்று முதல் தொடர்ந்து 11 நாட்கள் மகா தீபம் ஏற்றப்பட்டு வந்தது. 11ஆவது நாளான நேற்று மாலை 6 மணி அளவில் நகரி வாத்தியங்கள் முழங்க மகா தீபம் ஏற்றப்பட்ட நிலையில், ஜோதி வடிவமாக காட்சி அளித்த அண்ணாமலையாரை பக்தர்கள் தரிசித்தனர்.

11 நாட்கள் நிறைவடைந்த நிலையில், இன்று மலை உச்சியில் வைக்கப்பட்டுள்ள தீப கொப்பரை கோயிலுக்கு கொண்டு செல்லப்பட்டு பூஜை செய்யப்பட உள்ளது. இதனையொட்டி நூற்றுக்கணக்கானோர் மலை உச்சிக்கு சென்று தரிசனம் செய்தனர்.