💡 திருவண்ணாமலை: அலைமோதிய பக்தர் கூட்டம்… 8 மணி நேரம் காத்திருந்து தரிசனம்! | Spirituality News (ஆன்மீக செய்திகள்)

தொடர் விடுமுறையையொட்டி, பஞ்சபூத தலங்களில் அக்னித் தலமான திருவண்ணாமலை அண்ணாமலையார் கோயிலுக்கு தமிழ்நாடு மட்டுமின்றி ஆந்திரா, தெலங்கானா, கர்நாடக மாநிலங்களைச் சேர்ந்த ஏராளமான பக்தர்கள் வருகை தந்ததால் கூட்டம் அலைமோதியது.

இதனிடையே, பல மணி நேரத்திற்கும் மேலாக வரிசையில் காத்திருந்த பக்தர்களுக்கும், குறுக்கு வழியில் வந்த பக்தர்களுக்கும் இடையே வாக்குவாதம் ஏற்பட்டதால் சிறிது நேரம் பரபரப்பு ஏற்பட்டது. இதனிடையே, கலசப்பாக்கம் அருகே தனக்கோட்டிபுரம் கிராமத்தில் விவசாய நிலங்களை பார்வையிட்டு வரவு செலவு கணக்குகளை அண்ணாமலையார் சரி பார்க்கும் நிகழ்வில், வழிநெடுகிலும் பக்தர்கள் பொங்கல் வைத்து கற்பூரம் ஏற்றி வழிபாடு செய்தனர்.