✅ திருவண்ணாமலை மகா தீப மலையில் பிளாஸ்டிக் குப்பை அகற்றம்..! | ஆன்மிகம்

திருக்கார்த்திகை தீபத் திருவிழாவையொட்டி கடந்த 3ம் தேதி இரண்டு ஆயிரத்து 668 உயர மலையின் உச்சியில் மகாதீபம் ஏற்றப்பட்டது. கடந்த 11 நாட்களாக மலை மீது ஏறி மகா தீபத்தை தரிசனம் செய்ய பக்தர்கள் அனுமதிக்கப்பட்டனர். அப்போது பக்தர்கள் விட்டுச் சென்ற பிளாஸ்டிக் கவர், வாட்டர் பாட்டில் உள்ளிட்ட குப்பைகளை அகற்றும் பணி நடைபெற்றது.

இந்த நிலையில் மாவட்ட நிர்வாகம் மலைமீது ஏறி மகா தீப தரிசனத்தை காண அனுமதி மறுத்த நிலையில், மாவட்ட நிர்வாகத்தின் தடையையும் மீறி பல்வேறு குறுக்குப் பாதையில் ஏராளமானோர் மலையேறி உள்ளனர். இந்நிலையில் கடந்த 11 நாட்களாக மலை மீது ஏறி மகா தீபத்தை கண்ட பக்தர்கள் விட்டுச் சென்ற பிளாஸ்டிக் கவர், வாட்டர் பாட்டில் உள்ளிட்டவைகளை தீபக் கொப்பரையை மலை மீது ஏற்றி இறக்கிய ஐந்து பணியாளர்கள் பக்தர்கள் விட்டுச் சென்ற குப்பைகளை முழுவதுமாக அகற்றி உள்ளனர். தொடர்ந்து பிளாஸ்டிக் குப்பைகளை அனைத்தும் மலையில் இருந்து கீழே கொண்டு வரும் பணியில் ஈடுபட்டனர். இதனால் மலையின் பசுமை மற்றும் இயற்கை பாதுகாக்கப்படும்.