💡 தைப்பூச நாளில் விரதம் இருப்பதால் இத்தனை நன்மைகளா..? விரதம் இருப்பது எப்படி? | Spirituality News (ஆன்மீக செய்திகள்)

இந்த நாளே தைப்பூசமாகவும் கொண்டாடப்படுகிறது. இந்த நாள் முருகனுக்கு மிகவும் சிறப்பான நாளாகும். சிவனுக்கும் குரு பகவானுக்கும் கூட இந்த நாள் சிறப்புடையதாகும். பல சிறப்புகள் கொண்ட இந்த நாளில் விரதம் இருந்தால் முருகன் கேட்ட வரத்தை தந்தருள்வார் என்பது நம்பிக்கை. தைப்பூசம் பிப்ரவரி 1-ம் தேதி என கணக்கிடப்பட்டுள்ளது. காலையில் பூசம் நட்சத்திரம் ஆரம்பமாகிறது.

முருக பக்தர்கள் பலர் தைப்பூச விரதத்தை 48 நாட்கள் இருப்பது வழக்கம். மார்கழி மாதத்தில் தொடங்கி தைப்பூசம் வரை விரதம் இருப்பது வழக்கம். அன்னை பார்வதி தேவி, முருகனுக்கு ஞானவேல் வழங்கியது இந்த நன்னாளில் தான். அதனால் வேலையும் வணங்குவது நல்லது என்று ஆச்சாரியார்கள் கூறுகின்றனர். அந்த ஞானவேலுடன் ஞானபண்டிதன் அசுரவதம் புரிந்தார் என்பது வரலாறு.

தைப்பூச நாளில் முருகனுக்குரிய வேலை வழிபடுவதன் பயனாக தீய சக்திகள் நம்மை அண்டாது. இதனால் வறுமை நீங்கி செல்வமும், வசதியும் கிடைக்கும் என்பது ஐதீகம். இந்த நாளில் குரு பகவானையும், சிவபெருமானையும், முருகப் பெருமானையும் வழிபடுவது மிகவும் விசேஷமாகும்.