💡 நடிகர் சிவகுமாருக்கு கௌரவ டாக்டர் பட்டம்; சூர்யா நெகிழ்ச்சி | Chief Minister Stalin Confers Honorary Doctorate on Veteran Actor Sivakumar; Son Suriya Pens Emotional Tribute

தமிழ்நாடு இசை மற்றும் கவின் பல்கலைக்கழகம் சார்பில் நடிகர் சிவகுமாருக்கு கௌரவ டாக்டர் பட்டத்தை முதல்வர் மு.க. ஸ்டாலின் கடந்த நவ.28ஆம் தேதி வழங்கியிருக்கிறார்.

ஓவியர், நாடக நடிகர், திரைப்பட நடிகர் இன்று பேச்சாளர் எனப் பல பரிமாணங்களில் இயங்குபவர் சிவக்குமார். இவருக்கு கௌரவ டாக்டர் பட்டம் கொடுத்திருப்பதற்குத் திரைத்துறையினர் மற்றும் பிற துறை பிரபலங்கள் வாழ்த்து தெரிவித்து வருகின்றனர்.

அந்த வகையில் அவரது மகனும் நடிகருமான சூர்யா, தமிழக முதல்வர், தமிழ்நாடு கவின் கலை பல்கலைக்கழகத்துக்கு நன்றி தெரிவிக்கும் வகையில் நெகிழ்ச்சியான அறிக்கையை வெளியிட்டுள்ளார்.