⚡ நாக்க முக்கா: “1992-ல் நான் கம்போஸ் செய்த பாட்டு இது!” – பாடலாசிரியர் பி.வி பிரசாத் |வரித்துணையே 4 |naakka mukka lyricist pv prasad varithunaiye 4

மேலும் பேசியவர், “இந்தப் பாடல் வெறுமென ஒரு குத்துப் பாடலாகக் கடந்துபோய்விடக் கூடாது என்பதில் நான் உறுதியாக இருந்தேன். சில இலக்கியத் தன்மைகளும் இந்தப் பாடலில் இருக்க வேண்டுமென ‘பொண்ணுங்களா பொறக்க வச்சான்

பொண்ணுக்குள்ள கருவ வச்சான்.

கருவ வச்சான் கற்ப வச்சான்

கற்புக்குள்ள தீய வச்சான்.

தீய வச்சு எரிய வச்சான் எரிய வச்சான் எரிய வச்சான்.

மதுரை எரியுது அணைங்கடா அணைங்கடா அணைங்கடா!’ என்ற வரியை எழுதினேன். நானும் ஒரு தமிழ் இலக்கிய மாணவன்.

ஆதலாலே, ஆர்வத்துடன் இப்பாடலில் இந்த வரிகளையும் இணைத்துவிட்டேன். படத்திற்கு மதுரையில் பிரச்னை வந்தபோது, அனைவரிடமும் இது 1992-ல் எழுதப்பட்ட பாடல் என தெளிவாகச் சொல்லி புரிய வைத்தேன். இப்பாடலின் சி.டி வெளிவந்ததும் பெரிய அளவில் ஹிட் அடித்தது. இந்தி தொடங்கி பல மொழிகளிலும் இப்பாடலின் ரைட்ஸ் கேட்டு வாங்கினார்கள். ஜப்பான் மொழி பேசுபவர்களுக்கும் இப்பாடல் பிடித்திருந்தது. அமெரிக்காவின் ஒரு பிரபல தொலைக்காட்சி நிகழ்ச்சியிலும் இப்பாடல் இசைக்கப்பட்டது. நிறைய குழந்தைகளும் இப்பாடலுக்கு அப்போது துள்ளலான ஆட்டம் போட்டுக் கொண்டிருந்தார்கள். கர்ப்பிணிப் பெண்கள் பலரும் ‘இந்தப் பாடலைக் கேட்டால் வயிற்றிலிருக்கும் குழந்தை உதைக்கிறது’ என்றெல்லாம் சொல்வார்கள்!” என பலத்த சிரிப்போடு முடித்தார்.

(தொடரும்.!)