💡 பெரிய கோவிலில் தென் கைலாய வலம்… இரவு முழுவதும் கண்விழித்து கோயிலை வலம் வந்த பக்தர்கள்… | தஞ்சாவூர் செய்தி(Thanjavur News)

பொதுவாக பௌர்ணமி கிரிவலம் திருவண்ணாமலை அண்ணாமலையார் கோவிலில் சிறப்பு வாய்ந்ததாகும். இந்த சிறப்பு வாய்ந்த நாளில் சிவபெருமானின் அருளைப் பெற திருவண்ணாமலை அண்ணாமலையார் கோவிலை நோக்கி பக்தர்கள் படையெடுப்பது வழக்கம். அதேபோல தஞ்சை பெரிய கோவிலிலும் தென் கைலாய பௌர்ணமி வலம் கடந்த ஆண்டு முதல் சிறப்பாக நடந்து வருகிறது.

இதில் ஆயிரக்கணக்கான பக்தர்கள் இரவு முழுவதும் கிட்டத்தட்ட இரண்டு கிலோமீட்டர் சுற்றளவில் உள்ள பெரிய கோவிலைச் சுற்றி ஓம் நமச்சிவாய உள்ளிட்ட சிவ நாமங்களை உச்சரித்து வலம் வந்து சாமி தரிசனம் செய்தனர். பௌர்ணமி வலத்தில் கலந்து கொள்ளும் பக்தர்களுக்காக கோவில் நிர்வாகம் முறையான பாதை, மின்விளக்கு மற்றும் குடிநீர் வசதி ஏற்படுத்தினர்.