📌 மகா சிவராத்திரி மயூர நாட்டியாஞ்சலி… அமெரிக்காவிலிருந்து வந்த நடன கலைஞர்கள்… | Spirituality News (ஆன்மீக செய்திகள்)

இந்த விழாவில் ஒவ்வொரு நாளும் அமெரிக்கா, லண்டன், சுவிட்சர்லாந்து, ஆஸ்திரேலியா, மலேசியா, சீனா, இலங்கை ஆகிய நாடுகளில் இருந்தும் வெளி மாநிலங்களிலிருந்தும் 500க்கும் மேற்பட்ட பரதகலைஞர்கள் பங்கேற்கின்றனர்.

நேற்று அமெரிக்காவின் சுமன் நாயக் நடேசா ஸ்கூல் ஆஃப் பரதநாட்டியம் மற்றும் பெங்களூரு, மும்பை, மயிலாடுதுறையைச் சேர்ந்த பரதநாட்டிய கலைஞர்களின் நடனத்தை பார்வையாளர்கள் கண்டு ரசித்தனர். நாட்டியம் அரங்கேற்றிய குரு மற்றும் மாணவிகளுக்கு சான்றிதழ்கள், கேடயங்கள் வழங்கப்பட்டன.

இது குறித்து அமெரிக்கா நாட்டிய கலைஞர் கூறும்போது, “முதல்முறையாக தமிழ்நாட்டிற்கு வருகிறோம். ரொம்ப பெருமையாகவும், சந்தோஷமாகவும் இருக்கின்றது. இந்த சிவராத்திரியை முன்னிட்டு எங்கள் நடனத்தை அரங்கேற்றுவது ரொம்பவே மகிழ்ச்சியாக இருக்கின்றது.

இது எங்களுக்கு ஒரு நல்ல வாய்ப்பாக அமைந்துள்ளது. மனதிற்கு ரொம்ப நெருக்கமாக இருக்கின்றது. நடராஜரின் அருளால் தான் நாங்கள் இப்போது இங்கு நடனம் ஆட இருக்கின்றோம். தமிழ்நாட்டிற்கு வர வேண்டும் என்ற அதிக நாள் கனவு இன்று நடந்து இருக்கு” என தெரிவித்தனர்.