📌 மயான கொள்ளை திருவிழா.. குழந்தைகளை தூக்கி எறியும் விநோத நேர்த்திக்கடன்..! | Spirituality News (ஆன்மீக செய்திகள்)

காட்டுநெமிலி கிராமத்தில் உள்ள அங்காளம்மன் கோயிலில் மயான கொள்ளை திருவிழா நடைபெற்றது. 8 நாட்களாக நடைபெற்ற விழாவில் உச்ச நிகழ்ச்சியான நேற்று மயான கொள்ளை திருவிழா நடைபெற்றது. மேள தாளங்கள் முழங்க அம்மனின் வீதி உலா நடைபெற்றது.

காளியம்மன், பாவாடை ராயன், பிடாரி அம்மன் போன்ற சாமி வேடமிட்ட பக்தர்கள், ஆக்ரோஷமாக ஆடியவாறு இடுகாட்டை வந்தடைந்தனர். ஏராளமான பெண்கள் குழந்தை வரம் வேண்டி வழிபட்டனர்.

கடந்த ஆண்டு குழந்தைக்காக வேண்டிய தம்பதிகள், தங்களது வேண்டுதல் நிறைவேறியதால் குழந்தையை சூரைவிட்டு நேர்த்திக்கடன் செலுத்தினர். மேலும், முன்னோர்களில் நினைவிடத்தில் அவர்களுக்கு பிடித்த உணவுகளை படையலிட்டு வழிபட்டனர்.