📌 மயிலாடுதுறை தைப்பூசம் சிறப்பு வழிபாடு… காவடி எடுத்து நேர்சை செலுத்திய பக்தர்கள்… | Spirituality News (ஆன்மீக செய்திகள்)

அந்த வகையில் மயிலாடுதுறை மாவட்டம் கச்சேரி ரோடுட்டில் அமைந்துள்ள மலைக்கோயில்  என்று சொல்லக்கூடிய  அருள்மிகு பால தண்டாயுதபாணி கோயிலில் ஆண்டுதோறும் தைப்பூசம் அன்று பக்தர்கள் காவடி எடுத்து வழிபாடு செய்வது வழக்கம். அந்த வகையில் இந்த ஆண்டு தைப்பூசத் திருநாளில் திரளான பக்தர்கள் காவடி எடுத்து வழிபாடு செய்தனர்.

விரதமிருந்த பக்கதர்கள் பூஜை செய்து மேள தாளங்கள் முழங்க வாணவெடிக்கைகளுடன் பால் குடம் திருமஞ்சனம், காவடி, அலகு காவடி எடுத்து காவிரி கரையில் இருந்து வீதியுலாவாக வந்து கோயிலை வந்தடைந்தனர்.வீதயுலாவில் வழி எங்கும் பக்தர்கள் தீபாராதனை காண்பித்து வழிபட்டனர்.

மேலும்  தைப்பூசத் திருவிழாவை முன்னிட்டு சுவாமிகளுக்கு பால், தேன், சந்தனம், விபூதி, பன்னீர் பல்வேறு வாசனை திரவியங்கள், கொண்டு சிறப்பு அபிஷேகம் நடத்தப்பட்டது. தொடர்ந்து மலர்களால் அலங்காரம் செய்து மகா தீபாராதனை காட்டப்பட்டது.இதில் ஏராளமான உள்ளூர் மற்றும் வெளியூர் பொதுமக்கள் கலந்து கொண்டு சாமி தரிசனம் செய்தனர்.