✅ முத்தாரம்மன் கோவிலில் புத்தாண்டு சிறப்பு வழிபாடு… 1,008 பால்குடம் எடுத்த பக்தர்கள்… | ஆன்மிகம்

இந்த நிலையில் இன்று 2026ஆம் ஆண்டு ஆங்கிலப் புத்தாண்டை முன்னிட்டு குலசேகரன்பட்டினம் முத்தாரம்மன் கோவிலில் அதிகாலை 3 மணிக்கு நடை திறக்கப்பட்டு மகா கணபதி ஹோமம், மகாலட்சுமி ஹோமம் நடந்தது. தொடர்ந்து உலக நலன் வேண்டி துர்கா கந்த மஹா ஹோமம் நடந்தது.

புத்தாண்டு தினம் என்பதால் பல்வேறு பகுதிகளிலிருந்து ஆயிரக்கணக்கான பக்தர்கள் நீண்ட வரிசையில் நின்று முத்தாரம்மனை தரிசனம் செய்தனர். தொடர்ந்து குலசேகரன்பட்டினம் கடற்கரையோரம் அமைந்துள்ள அறம்வளர்த்த நாயகி அம்மன் கோவிலிலிருந்து விவசாயம் தழைக்கவும், மழை வேண்டியும் 1008 பால்குடம் ஊர்வலம் நடந்தது.

பால்குடம் முக்கிய வீதிகள் வழியாக ஊர்வலமாக எடுத்து வரப்பட்டது. பால்குட ஊர்வலத்தின் போது பெண்கள், திருநங்கைகள் கோலாட்டம் ஆடினர். தொடர்ந்து மேளதாளங்கள் முழங்க 1008 பால்குடம் கோவிலுக்கு வந்தடைந்தது.

தொடர்ந்து முத்தாரம்மன் சமேத ஞானமூர்த்தீஸ்வரருக்கு பால்குட அபிஷேகம், 108 சங்காபிஷேகம் மற்றும் சிறப்பு பூஜைகள் நடந்தது. அதைத் தொடர்ந்து சிறப்பு தீபாராதனை நடந்தது. இதில் திரளான பக்தர்கள் கலந்து கொண்டு சுவாமி தரிசனம் செய்தனர்.