💡 ராமேஸ்வரம் கோயிலில் புதிய சர்ச்சை.. கிறிஸ்தவர்கள் என கூறி வெளிநாட்டு பக்தர்கள் வழிபாடு செய்ய தடை விதித்த ஊழியர்! | Spirituality News (ஆன்மீக செய்திகள்)

ராமேஸ்வரம் ராமநாதசுவாமி கோயிலுக்கு கனடா, அமெரிக்கா, ஆஸ்திரேலியா மற்றும் வடமாநிலங்களில் இருந்து வந்த பக்தர்கள் ருத்ரா அபிஷேக பூஜையில் கலந்து கொள்ள 3 ஆயிரம் ரூபாய் கட்டணம் செலுத்தி டிக்கெட் பெற்றுள்ளனர்.

ருத்ரா அபிஷேக பூஜையில் கலந்து கொள்ள காத்திருந்த வெளிநாட்டு பக்தர்கள் சிலரை கிறிஸ்தவர்கள் எனக் கூறி பூஜையில் கலந்து கொள்ள அனுமதி மறுத்து கோயில் ஊழியர் நாகராஜ் என்பவர் வெளியேற்றியதாக கூறப்படுகிறது. மேலும் அவர்கள் செலுத்திய பணம் திருப்பி வழங்கப்பட்டதாக கூறப்படும் நிலையில் பூஜையில் கலந்து கொள்ள காத்திருந்த வெளிநாட்டு பக்தர்கள் ஏமாற்றத்துடன் திரும்பிச் சென்றனர்.

இது குறித்து கோவில் இணை ஆணையர் செல்லதுரையிடம் விளக்கம் கேட்டபோது சம்பந்தப்பட்ட ஊழியர்களிடம் விசாரித்து விட்டு பதிலளிப்பதாக தெரிவித்தார்.