📌 விண்ணை முட்டிய மங்கள வாத்திய முழக்கம்… கும்பகோணம் அம்மன் கோவில் கும்பாபிஷேகப் பெருவிழா | Spirituality News (ஆன்மீக செய்திகள்)

இத் திருக்கோயில் மிகவும் பழமையானது என்பதுடன் தற்போது முற்றிலும் புனரமைக்கப்பட்டு எழில்மிகு சுதை வேலைப்பாடுகளுடன் கூடிய புதிய ராஜகோபுரம் அமைக்கப்பட்டுள்ளது. திருக்கோயில் திருப்பணிகள் அனைத்தும் நிறைவுற்றதைத் தொடர்ந்து மகா கும்பாபிஷேக விழா, விக்னேஸ்வர பூஜையுடன் முறைப்படி தொடங்கியது. அதனைத் தொடர்ந்து வாஸ்து சாந்தி மற்றும் ரக்ஷா பந்தனம் போன்ற முக்கிய வழிபாடுகள் நடைபெற்றன. கோயிலின் அருகே அமைக்கப்பட்டிருந்த பிரம்மாண்ட யாகசாலை மண்டபத்தில் நான்கு கால யாக பூஜைகள் நடைபெற்றன.

இதனை தொடர்ந்து, சிவாச்சாரியார்களின் வேத மந்திரங்கள் முழங்க, மங்கள வாத்திய இசையோடு யாகசாலையில் வைத்து பூஜிக்கப்பட்ட புனித நீர் அடங்கிய கலசங்கள் ஊர்வலமாக எடுத்து வரப்பட்டன. பின்னர் கோபுரக் கலசங்களுக்கும் மூலவர் தெய்வங்களான காளியம்மன், காத்தாயி அம்மன் மற்றும் மாரியம்மனுக்கும் புனித நீர் ஊற்றப்பட்டு மகா கும்பாபிஷேகம் விமரிசையாக நடைபெற்றது.