✅ 108 அடி உயர சதாசிவ ஆலய கும்பாபிஷேகம்… பக்தி பரவசத்துடன் கலந்து கொண்ட பக்தர்கள் !! | புதுச்சேரி செய்தி (Puducherry News)

இதில் சிறப்பு அம்சமாக 3 தளங்களாக அடிபீடங்கள் அமைக்கப்பட்டு முதல் தளத்தில் 27 நட்சத்திரங்களின் தனி சன்னதி, இரண்டாம் தளத்தில் 12 ராசிகளுக்கான தனி சன்னதி, 3-வது தளத்தில் தம்பதி சமேத நவக்கிரகங்களில் கோவில் அமைக்கப்பட்டுள்ளது. இதற்கு ஒட்டுமொத்தமாக மகா கும்பாபிஷேகம் நேற்று (பிப்.22 ) மிகச் சிறப்பாக நடந்தது. இதையொட்டி நேற்று முன்தினம் மாலைமுதல் கால யாக சாலை தொடங்கியது.

இதில் 64 யாக வேள்விகள் 108 சிவாச்சாரியார்களை கொண்டு நான்கு கால யாக பூஜை நடைபெற்று வந்தது. தொடர்ந்து நேற்று காலை 8 மணிக்கு கடம் புறப்பாடு நடந்தது. பின்னர் வேத மந்திரங்கள் முழங்க 13 கோபுர கலசங்கள் மற்றும் 108 சிவலிங்கத்துக்கும் ஒரே நேரத்தில் கும்பாபிஷேகம் நடந்தது. விழாவில் புதுச்சேரி வேளாண் அமைச்சர் தேனீ.ஜெயக்குமார் மற்றும் புதுவை, தமிழக பகுதிகளை சேர்ந்த திரளான பக்தர்கள் கலந்து கொண்டனர். இதையொட்டி மேற்கு பகுதி போலீஸ் சூப்பிரண்டு சுப்பிரமணியன் தலைமையில் 100-க்கும் மேற்பட்ட போலீசார் பாதுகாப்பு பணியில் ஈடுபட்டனர்.