⚡ நீண்டநாள் கனவு பயணம்… புண்ணிய தலங்களுக்கு அழைத்துச் சென்ற அரசுக்கு நன்றி ! | ஆன்மிகம்

இதில் இந்து அறநிலையத்துறையின் கட்டுப்பாட்டில் உள்ள சிவகங்கை, தஞ்சாவூர், மதுரை, சென்னை, கடலூர், நாகப்பட்டினம், திருநெல்வேலி போன்ற 20 மண்டலத்தைச் சேர்ந்த 600 பக்தர்கள் ராமேஸ்வரம் வந்து ராமநாதசுவாமி கோவிலில் உள்ள 22 தீர்த்தங்களில் நீராடி சுவாமி தரிசனம் செய்துவிட்டு காசிக்கு செல்லும் சிறப்பு ரயிலில் புறப்பட்டு சென்றனர்.

ஆறு நாட்கள் பயணத்தில் காசியை முடித்து விட்டு டிசம்பர் 11-ம் தேதி மீண்டும் ராமேஸ்வரம் வந்து ராமநாதசுவாமி கோவில் தரிசனம் செய்துவிட்டு பயணத்தை நிறைவு செய்து விட்டு தங்களுடைய சொந்த ஊர்களுக்கு திரும்பி செல்வார்கள்.

இதுகுறித்து தஞ்சாவூரைச் சேர்ந்த பக்தர் ஜோதி கூறுகையில், இந்து அறநிலையத்துறையின் மூலம் அறிவிப்பு வெளியிட்டதை பார்த்து விண்ணப்பித்து தேர்வு செய்யப்பட்டு, டிசம்பர்-4 ராமேஸ்வரம் வந்து காலை கடலில் நீராடி, 22 தீர்த்த கிணறில் நீராடி சுவாமி தரிசனம் செய்து காசிக்கு சென்று அங்கு காசி விஸ்வநாதர் தரிசித்தி மீண்டும் ராமேஸ்வரம் வந்து விடுவோம்.

இதுவரையிலும் காசிக்கு செல்லவில்லை. ராமேஸ்வரம் – காசி செல்வது நீண்டநாள் கனவாக இருந்தது. தற்போது தமிழக அரசு இந்து அறநிலையத்துறை சார்பில் இலவசமாக அழைத்துச் செல்வது மகிழ்ச்சியாக உள்ளது. எனவே அரசுக்கு நன்றி தெரிவித்துக் கொள்கிறோம் என தெரிவித்தார்.