💡 5 மணிநேரம் நீண்ட வரிசையில் காத்திருந்து அண்ணாமலையாரை தரிசனம் செய்த பக்தர்கள்..! | ஆன்மிகம்

பஞ்சபூத ஸ்தலங்களில் அக்னி ஸ்தலமாக வணங்கப்படும் திருவண்ணாமலை கோயிலில், அதிகாலை 3.30 மணி அளவில் நடை திறக்கப்பட்டு அண்ணாமலையார் உண்ணாமலை அம்மனுக்கு சிறப்பு அபிஷேகம் ஆராதனைகள் நடைபெற்றன. அதைத் தொடர்ந்து பக்தர்கள் சாமி தரிசனம் செய்ய அனுமதிக்கப்பட்டனர். வார விடுமுறை என்பதால் தமிழ்நாடு மட்டுமின்றி, கர்நாடகா, ஆந்திரா, தெலங்கானா உள்ளிட்ட அண்டை மாநிலங்களை சேர்ந்த பக்தர்களும் ஏராளமானோர் கோயிலில் குவிந்தனர். ராஜகோபுரம் வழியாக இலவச தரிசன வரிசையில் 4 முதல் 5 மணி நேரம் வரை காத்திருந்து பக்தர்கள் சாமி தரிசனம் செய்தனர். அவர்களுக்கு குடிநீர், நீர் மோர் உள்ளிட்டவை வழங்கப்பட்டன. தரிசனத்துக்கு பிறகு திருமஞ்சனம் கோபுரம் வழியாக வெளியே சென்ற பக்தர்கள், சுமார் 14 கிலோ மீட்டருக்கு கிரிவலம் சென்றனர்.