🚀 கழுகுமலை கழுகாசலமூர்த்தி கோவில் தைப்பூச விழா… அலகு குத்தி பக்தர்கள் நேர்த்திக்கடன்… | Spirituality News (ஆன்மீக செய்திகள்)

ஒவ்வொரு நாள் இரவும் சுவாமி பல்வேறு வாகனங்களில் எழுந்தருளி வீதியுலா வரும் நிகழ்ச்சி நடைபெற்றது. விழாவின் முக்கிய நிகழ்ச்சியான திருத்தேரோட்டம் இன்று வெகு விமர்சையாக நடைபெற்றது.

இதையொட்டி அதிகாலை கோயில் நடைதிறக்கப்பட்டு கால சந்தி பூஜை, விளா பூஜை, சுப்பிரமணிய பூஜை நடந்தது. இதனை தொடர்ந்து கோ ரதத்தில் விநாயகர் பெருமானும், சட்ட ரதத்தில் சுவாமி கழுகாசலமூர்த்தி, வள்ளி, தெய்வானை அம்மன்களுடன் எழுந்தருளினர்.

தொடர்ந்து தேரோட்டம் தொடங்கியது. இதில் ஆயிரக்கணக்கான பக்தர்கள் கலந்து கொண்டு வடம் பிடித்து தேர் இழுத்தனர். பின்னர் கோயிலில் சுவாமி மற்றும் அம்மனுக்கு சிறப்பு அபிஷேகங்கள் மற்றும் அலங்கார தீபாராதனை நடந்தது.

திருவிழாவில் நெல்லை, சாத்தூர், விருதுநகர், சிவகாசி, மதுரை, ராஜபாளையம் மற்றும் கோவில்பட்டி சுற்றுவட்டார பகுதிகளை சேர்ந்த ஆயிரக்கணக்கான பக்தர்கள் நீண்ட வரிசையில் காத்திருந்து சாமி கழுகாசலமூர்த்தியை தரிசனம் செய்தனர். மேலும் பக்தர்கள் 15, 6 அடி என அலகு குத்தி பக்தர்கள் தங்களது நேர்த்திக்கடனை நிறைவேற்றினர்.