📌 60 அடி உயர தேர் கவிழ்ந்து விபத்து.. 7 பேர் படுகாயம்.. வேலூர் மயான கொள்ளை திருவிழாவில் சோகம்..! | Spirituality News (ஆன்மீக செய்திகள்)

வேலூரில் மயான கொள்ளை திருவிழாவின்போது 60 அடி தேர் கவிழ்ந்து விபத்திற்குள்ளானதில் 7 பேர் படுகாயம் அடைந்தனர். வேலூரில் மயான கொள்ளை திருவிழா வெகு விமரிசையாக நடைபெற்றது. இதற்காக, கழிஞ்சூர், விருதம்பட்டு உள்ளிட்ட பல்வேறு பகுதிகளில் இருந்து மின் விளக்குகளால் அலங்கரிக்கப்பட்ட தேர் பாலாற்றிற்கு கொண்டுவரப்பட்டது.

அந்த வகையில், கழிஞ்சூரை சேர்ந்த சுமார் 60 அடி உயரம் கொண்ட பிரம்மாண்ட தேர் பாலாற்றில் இழுத்து வரப்பட்டபோது, யாரும் எதிர்பார்க்காத விதமாக திடீரென ஒருபக்கமாக சாய்ந்தது. தகவல் அறிந்து சம்பவ இடத்திற்கு விரைந்த காவல் துறை மற்றும் தீயணைப்பு துறையினர் கயிறு கட்டி இழுத்து, தேருக்கு அடியில் சிக்கியிருந்தவர்களை மீட்டனர். படுகாயம் அடைந்த 7 பேர் அவசர ஊர்தி மூலம் அருகில் உள்ள மருத்துவமனைகளில் அனுமதிக்கப்பட்டனர். ஒருவர் உயிருக்கு ஆபத்தான நிலையில் சிகிச்சை பெற்று வருகிறார்.