🔥 தூத்துக்குடியில் சாம்பல் புதன் வழிபாடு… தவக்காலத்தை தொடங்கிய கிறிஸ்தவர்கள்… | Spirituality News (ஆன்மீக செய்திகள்)

சாம்பல் புதனன்று தொடங்கும் தவக்காலம் தொடர்ந்து 40 நாட்கள் நடைபெற்று, ஈஸ்டர் திருநாளன்று நிறைவடைகிறது. இயேசு கிறிஸ்து சிலுவையில் அறையப்படுவதற்கு முன்பு, தீய சக்திகள் வழங்கிய சோதனைகளைத் தாங்கி, தன்னை ஆன்மிக ரீதியாகத் தயார்ப்படுத்திக் கொண்ட நாட்களே இந்த 40 நாள் தவக்காலமாகக் கருதப்படுகிறது.

இந்த 40 நாட்களில், கிறிஸ்தவர்கள் நோன்பு, பிரார்த்தனை, தானம் மற்றும் சமூக சேவை போன்றவற்றில் ஈடுபட்டு, தங்களது வாழ்க்கையை ஆன்மிக ரீதியாக சீரமைத்து வருகின்றனர். பாவங்களை விட்டு விலகி, இறைவனிடம் மனமாற்றம் பெறும் காலமாக இந்த தவக்காலம் பார்க்கப்படுகிறது.

40 நாள் தவக்காலத்தை முன்னிட்டு, தூத்துக்குடியில் பல்வேறு பகுதிகளில் உள்ள தேவாலயங்களில் சிறப்பு வழிபாடுகள் மற்றும் பிரார்த்தனைகள் நடைபெற்றன. இந்த வழிபாட்டில் ஏராளமான கிறிஸ்தவர்கள் கலந்து கொண்டு தவக்கால விரதத்தை தொடங்கினர்.