✅ தேவசகாயம் மவுண்ட் வியாகுல அன்னை ஆலய திருவிழா… கொடியேற்றத்துடன் கோலாகலத் துவக்கம்… | Spirituality News (ஆன்மீக செய்திகள்)

அதனைத் தொடர்ந்து, கோட்டாறு மறைமாவட்ட ஆயர் மேதகு நசரேன் சூசை தலைமையில் திருக்கொடியேற்ற நிகழ்ச்சி நடைபெற்றது. ஆயர் திருக்கொடியை ஏற்றி வைத்து, பெருவிழாவை அதிகாரப்பூர்வமாகத் தொடங்கி வைத்து சிறப்பு திருப்பலியை நிறைவேற்றினார். திருப்பலியில் சமாதானம், அன்பு, சகோதரத்துவம் ஆகியவற்றின் முக்கியத்துவம் குறித்து உரையாற்றிய ஆயர், சமூகத்தில் ஒற்றுமை நிலைக்க அனைவரும் இணைந்து செயல்பட வேண்டுமென வலியுறுத்தினார்.

இந்த தேவாலய கொடியேற்று விழாவில் சுற்றுவட்டார பகுதிகளைச் சேர்ந்த ஏராளமான கிறிஸ்தவர்கள் மற்றும் பொதுமக்கள் கலந்துகொண்டு ஜெபங்களில் ஈடுபட்டனர். விழா நடைபெறும் நாட்களில் தினமும் சிறப்பு திருப்பலி, நவநாள் ஜெபம், ஆன்மிகப் பிரசங்கங்கள் மற்றும் அன்னையின் தேர்பவனி உள்ளிட்ட நிகழ்ச்சிகள் நடைபெற உள்ளன.

பெருவிழா தொடக்க நாளிலேயே பக்தர்கள் திரளாகக் கலந்துகொண்டதால், திருத்தல வளாகம் முழுவதும் ஆன்மிக மகிழ்ச்சி நிரம்பியிருந்தது. வரும் நாட்களில் ஆயிரக்கணக்கான பக்தர்கள் திருத்தலத்திற்கு வருகை தருவார்கள் என எதிர்பார்க்கப்படுகிறது.