⚡ Masi Magam | மாசி மகம் 2026 எப்போது தெரியுமா? வழிபாடு, முக்கியத்துவம் என்ன? | Spirituality News (ஆன்மீக செய்திகள்)

மாசி மாதத்தில் மகம் நட்சத்திரமும், பௌர்ணமியும் இணையும் நாளில் மாசி மகம் கொண்டாடப்படும். கோவில்களிலும் நீர் நிலைகளிலும் இந்த விழா நடைபெறும். நீர் நிலைகளில் தெய்வீக சக்தி அதிகரிக்கும் நாளாக இது கருதப்படுகிறது. பெரும்பாலான கோவில்களில் தீர்த்தவாரி உற்சவம் நடக்கிறது. கடலூர், நாகப்பட்டினம், கன்னியாகுமரி போன்ற மாவட்டங்களில் மாசி மகம் சிறப்பாகக் கொண்டாடப்படும். ஆன்மீக மரபுகளின் படி, முப்பத்தி மூக்கோடி தேவர்களும் பூமியில் வந்து பக்தர்களை ஆசீர்வதிக்கிறார்கள். புதிய விஷயங்கள் தொடங்குதல், தர்ம காரியங்கள் செய்வது போன்றவை இந்த நாளில் அதிக பலனைத் தரும்.

மாசி மகம் நாளில் கோவில்களில் சிறப்பு பூஜைகள், தீர்த்தவாரி, ஊர்வலம் ஆகியவை நடக்கின்றன. தெய்வங்கள் நீர் நிலைகளில் நீராடும் சமயத்தில் பக்தர்கள் புனித நீராடினால் கர்மவினைகள் நீங்கி செல்வ வளம், ஆரோக்கியம் பெருகும்.

மாசி மகம் 2026:

மார்ச் 02ம் தேதி திங்கட்கிழமை காலை 08:17 மணி முதல் மார்ச் 03ம் தேதி காலை 08:07 மணி வரை மகம் நட்சத்திரம் உள்ளது. மார்ச் 02ம் தேதி மாலை 06:29 மணிக்கு பௌர்ணமி துவங்கி, மார்ச் 03ம் தேதி மாலை 05:52 வரை உள்ளது. மகம் நட்சத்திர அடிப்படையில் மார்ச் 02ம் தேதி மாசி மகம் தினமாகக் கருதப்படுகிறது.

மாசி மகம் அன்று தெய்வங்களின் அருளுடன் முன்னோர்களின் ஆசிகளையும் பெறுவது சிறப்பானது. குடும்ப நலன் மற்றும் செல்வ செழிப்பிற்காக பித்ருக்களுக்கு தர்ப்பணம் கொடுத்து வழிபடுவது வழக்கம். பார்வதி தேவியின் அவதாரம் மாசி மகம் நாளில் நிகழ்ந்தது என புராணங்களில் கூறப்படுகிறது. மாசி மகம் அன்று நீர் நிலைகளில் புனித நீராடல் பாவங்கள், துன்பங்களை நீக்கி, மோட்சம் அளிக்கும் என்பது நம்பிக்கை. கும்பகோணம் மகாமகம் குளத்தில் அனைத்து புனித நதிகளும் சங்கமிப்பதாக ஐதீகம் உள்ளது.