📌 Tirupati | திருப்பதி பக்தர்களே.. இன்று சந்திர கிரகணம்.. கோயில் நடை அடைப்பு..! | Spirituality News (ஆன்மீக செய்திகள்)

2026ஆம் ஆண்டின் முதல் சந்திரகிரகணம் இன்று மாலை நிகழவுள்ளது. பொதுவாகவே கிரகணத்தினத்தன்று கோயில் நடை அடைக்கப்படுவது வழக்கம். அந்த வகையில் உலக புகழ்பெற்ற திருப்பதி ஏழுமலையான் கோயில் நடை இன்று அடைக்கப்படுகிறது.  இரவு 8.30 மணிக்கு பிறகு, கோயில் தூய்மைப்படுத்தப்பட்டு பக்தர்கள் வழக்கம் போல ஏழுமலையானை தரிசிக்க அனுமதிக்கப்படுவார்கள் எனத் தெரிவிக்கப்பட்டுள்ளது.

நாள் முழுவதும் திருமலையில் அன்னதானம் வழங்கப்படாது எனவும் அறிவிக்கப்பட்டுள்ளது. இதேபோல, திருப்பரங்குன்றம் முருகன் கோயில் நடை காலை 8.20 மணிக்கு அடைக்கப்பட்டு, சந்திர கிரகணம் முடிந்த பிறகு இரவு 7.35 மணிக்கு திறக்கப்பட்டும் என தெரிவிக்கப்பட்டுள்ளது.