பிரதீப் ரங்கநாதன் நடித்திருக்கும் `டூட்” திரைப்படம் தீபாவளிக்கு வெளியாக இருக்கிறது.
பிரதீப்புடன் மமிதா பைஜூ கதாநாயகியாக நடித்திருக்கிறார். சுதா கொங்கராவிடம் உதவி இயக்குநராகப் பணிபுரிந்த கீர்த்தீஸ்வரன் `டூட்’ படத்தை இயக்கியிருக்கிறார்.
ரோகினி, சரத்குமார் ஆகியோர் உள்ளிட்டோர் இந்தப் படத்தில் நடித்திருக்கின்றனர்.
சாய் அபியங்கர் இசையமைத்திருக்கிறார். இந்நிலையில் இப்படத்தின் இசை வெளியீட்டு விழா இன்று (அக்டோபர் 13) நடைபெற்று வருகிறது.
இதில் கலந்துகொண்டு பேசிய சரத்குமார், “பிரதீப் ஒரு மிகப்பெரிய ஸ்டார். அதில் எந்த ஒரு மாற்றுக் கருத்தும் கிடையாது.
தொடர்ந்து ஹிட் படங்களைக் கொடுத்துக்கொண்டிருக்கிறார். உங்கள் எல்லோர் மனதிலும் இடம் பிடித்துக்கொண்டிருக்கின்ற ஒரு டூட்.
கடினமாக உழைத்துக்கொண்டிருக்கிறார். எல்லாவற்றையும் சிறப்பாக செய்யக்கூடிய ஒரு இயக்குநர் நடிகர்.