📌 Karuppu Pulsar Review: கமர்சியல் ஹீரோவை ஓடவிடும் பல்சர் பைக்; மைலேஜ் தருகிறதா இந்தப் பேய்ப் படம்? | dinesh reshma venkatesh mansoor ali khan karuppu pulsar movie review

இரவு நேரக் காட்சிகளிலும், திகில் ஆட்டம் காண்பிக்கும் இடங்களிலும் தேர்ந்த லைட்டிங்கைக் கையாண்டிருக்கும் ஒளிப்பதிவாளர் பாஸ்கர் ஆறுமுகம், சில ஷாட்களை சட்டகத்திற்குள் அடக்குவதில் நேர்த்தியான பணியைச் செய்யத் தவறியிருக்கிறார்.

சோதிக்கும் காமெடி, காதல் உருட்டல் ஆட்டங்கள், ‘பாட்ஷா’ பிளாஷ்பேக் எனக் குண்டு குழிகள் நிறைந்த காட்சிகளைக் கோர்வையாகக் கோத்திருக்கிறார் படத்தொகுப்பாளர் சசி தக்ஷா. இசையமைப்பாளர் இன்பராஜ் ராஜேந்திரன் இசையில் பாடல்கள் அனைத்தும் வலுக்கட்டாயமாகவே கதைக்குள் சேர்க்கப்பட்டிருக்கின்றன.

திகில், ஆக்ஷன், பிளாஷ்பேக் போன்ற காட்சிகளில் எட்டிப் பார்க்கும் பின்னணி இசையிலும் உயிரில்லை! ஜல்லிக்கட்டு காட்சிகளின் கிராபிக்ஸும் அமெச்சூர் வடிவிலேயே திரையேறி திமிறுகிறது.

ஆசையுடன் வாங்கும் பைக், அதிலிருக்கும் அமானுஷ்யம், அதற்குப் பின்னிருக்கும் ஜல்லிக்கட்டு பிளாஷ்பேக் என்பவையாக இந்த ‘கருப்பு பல்சர்’ படத்தின் திரைக்கதையை ஓட்டியிருக்கிறார் இயக்குநர் முரளி க்ரிஷ். ஆனால், தொடக்கம் முதலே நம்மைச் சோதிக்கும் காமெடிகள், வழக்கொழிந்து போன காதல் கெஞ்சல் மிஞ்சல்கள், துளியும் பயமுறுத்தாத அமானுஷ்யங்கள் எனச் சரிவான பாதையிலேயே இந்தப் பல்சர் வண்டி நகர்கிறது.